Ludzi viarnulisia da čystaha prodažu valuty
U lutym fizičnyja asoby ŭ Biełarusi vystupili čystymi pradaŭcami zamiežnaj valuty. Pa vynikach miesiaca jany pradali na $168 młn bolš, čym kupili. Pra heta śviedčać statystyčnyja źviestki Nacbanka, piša BiełTA.
07.03.2024 / 10:39
Ahulny abjom nabytaj fizičnymi asobami najaŭnaj i bieznajaŭnaj zamiežnaj valuty ŭ lutym skłaŭ $753,1 młn, pradadzienaj — $921,1 młn. U cełym za studzień-luty prodaž fizičnymi asobami najaŭnaj i bieznajaŭnaj zamiežnaj valuty pieravysiŭ jaje kuplu na $154,1 młn.
Subjekty haspadarańnia — rezidenty Biełarusi ŭ lutym vystupili ŭ roli čystych pakupnikoŭ zamiežnaj valuty.
Zychodziačy sa źviestak Nacbanka, pradpryjemstvy kupili na $209,1 młn valuty ŭ ekvivalencie bolš, čym pradali. Ahulny abjom nabytaj jurasobami zamiežnaj valuty ŭ lutym skłaŭ $2,199 młrd, pradadzienaj — $1,99 młrd.
Za studzień-luty kupla jurydyčnymi asobami zamiežnaj valuty pieravysiła jaje prodaž na $347 młn.