Biełstat: VUP Biełarusi za dva miesiacy vyras na 4 pracenty
Abjom VUP u siońniašnich cenach skłaŭ 34,5 młrd rubloŭ.
18.03.2024 / 12:29
Unutrany vałavy pradukt zhodna ź pieršaj acenkaj za studzień-luty biahučaha hoda pavialičyŭsia na 4%, paviedamlaje Biełstat.
«Abjom VUP u siońniašnich cenach skłaŭ 34,5 młrd rubloŭ, abo ŭ supastaŭnych cenach 104% da ŭzroŭniu studzienia — lutaha 2023 hoda», — havorycca ŭ paviedamleńni.
Raniej aficyjnaja statystyka paviedamlała, što za studzień 2024 hoda VUP vyras na 2,8% u paraŭnańni z anałahičnym pieryjadam minułaha hoda.
Biełaruskaja ekanomika pa vynikach 2023 hoda vyrasła na 3,9%, choć ekanamičny błok urada prahnazavaŭ, što hety pakazčyk budzie ŭ miežach 3,8%.
Sioleta biełaruskija ŭłady staviać pierad saboj zadaču zabiaśpiečyć rost unutranaha vałavoha praduktu u miežach 3,8%.