Litva i Polšča nie vypuskajuć małdoŭski dziciačy chor ź Biełarusi
22 sakavika chor vystupiŭ u Varšavie, a zatym adpraviŭsia na kancert u Biełaruś, a nazad vyjechać nie moža.
29.03.2024 / 07:47
Ilustracyjnaje fota. Telehram-kanał Biełhranica
Polšča i Litva bolš za sutki nie vypuskajuć ź Biełarusi aŭtobus ź dziećmi — udzielnikami małdaŭskaj charavoj studyi «Rapsodyja» z Kišyniova, im nie dazvalajuć pierasiekčy miažu. Pra heta paviedamiła kiraŭnica kalektyvu, zasłužanaja artystka Małdovy Natalla Barabanščykava ŭ sacsietkach, piša absatz.media.
22 sakavika chor vystupiŭ u Varšavie, a zatym adpraviŭsia na kancert u Biełaruś. Paśla vystupu dzieci na aŭtobusie vyjechali z Bresta i pasprabavali vyjechać praź miažu z Polščaj, adnak ich nie prapuścili.
«Isnuje niejki zakon, pra jaki nie viedaje nichto ŭ našaj krainie, što my nie možam jak tranzitnyja pasažyry, pakolki my nie rejsavy aŭtobus, vyjechać ź Biełarusi. Naša ambasada paraiła nam prajechać praź Litvu, ź miažy Litvy nas viartajuć nazad u Biełaruś», — raspaviała Barabanščykava.
Ciapier ludzi nijak nie mohuć viarnucca ŭ Małdovu. Aŭtobus achoŭvajuć aŭtamatčyki i nikoha nie vypuskajuć, dadała kiraŭnik studyi.
Da pamiežnaha punkta vyjechaŭ konsuł Małdovy ŭ Biełarusi. Kiroŭcu aŭtobusa «vypisali admovu ab ujeździe z pryčyny pahrozy biaśpiecy Litvy».