U Breście vulicu nazvali ŭ honar supracoŭnika ŚMIERŠ i KDB
Chadajnictva ŭ Brescki harvykankam «ab uviekaviečańni pamiaci Piatra Ivašucina ŭ naźvie vulicy» pastupiła ad hramadskaha abjadnańnia «Vieterany vajennaj raźviedki», piša «Viačerni Brest».
17.04.2024 / 14:34
Piotr Ivašucin
Zhodna z rašeńniem Bresckaha haradskoha Savieta deputataŭ ad 22 sakavika 2024 hoda №11 elemientu vulična-darožnaj sietki Bresta, raźmieščanaha ŭ žyłym rajonie, abmiežavanym vulicami Siabroŭskaj, Barysa Masłava, 4-m fortam i vajskovaj častkaj №92616, jaki prachodzić ad vulicy Barysa Masłava da vulicy Siabroŭskaj, prysvojena najmieńnie na biełaruskaj movie — «Piatra Ivašucina», na ruskaj — «Pietra Ivašutina». Vyznačany elemient nazvali vulicaj.
Piotr Ivašucin naradziŭsia ŭ 1909 hodzie ŭ Brest-Litoŭsku, udzielnik Vialikaj ajčynnaj vajny, Hieroj Savieckaha Sajuza.
Padčas i paśla vajny byŭ kiraŭnikom roznych upraŭleńniaŭ ŚMIERŠ, amal 25 hadoŭ kiravaŭ vajskovaj vyviedkaj SSSR. U jakaści ministr dziaržaŭnaj biaśpieki Ukrainskaj SSR braŭ udzieł u źniščeńni farmiravańniaŭ ukrainskich nacyjanalistaŭ. U 1959 hodzie chadajničaŭ pierad CK KPSS ab uznaharodžańni Bahdana Stašynskaha, jaki zabiŭ Ściapana Banderu ŭ Miunchienie.
Chadajnictva ŭ Brescki harvykankam «ab uviekaviečańni pamiaci ŭ naźvie vulicy» zasłužanaha rabotnika NKUS, hanarovaha supracoŭnika dziaržbiaśpieki Piatra Ivašucina pastupiła ad hramadskaha abjadnańnia «Vieterany vajennaj raźviedki».
U Mahiloŭskim instytucie milicyi prajšoŭ konkurs u styli NKVD
Chto taki Symon Sierafinovič — karnik ź Mira, jakoha chočuć sudzić paśmiarotna
Kamunisty dalej pašyrajuć svaje fejki pra Kurapaty. Pišuć ich prosta na kamianiach FOTA