«Kibierpartyzany» paviedamili pra ataku na hrodzienski «Azot»
«Sajt, kacielny cech, pošty, bazy danych, kampjutary, sierviery, dakumientaabarot — heta tolki małaja častka našych mahčymaściaŭ. Kali represii nie buduć spynienyja, zadziejničajem bolš», — adznačajuć «Kibierpartyzany», nahadvajučy, što na sumleńni kiraŭnictva «Hrodna Azota» čatyry hady zapałochvańniaŭ, represij i zvalnieńniaŭ pa palityčnych matyvach.
17.04.2024 / 16:00
Chakiery zajavili, što zašyfravali ŭnutranuju poštu i dakumientaabarot na pracoŭnych kampjutarach, źniščyli bekapy bazy danych, siervieraŭ, pošty i dakumientazvarotu, a taksama ŭzłamali sistemy achovy i kamiery nazirańnia.
«Kab adnavić danyja, pryjdziecca dyktataru vyzvalić usich palitviaźniaŭ «Hrodna Azota» i 75 palitviaźniaŭ z najhoršym stanam zdaroŭja», — havorycca ŭ zajavie hrupy chakieraŭ.
Taksama hetuju akcyju «Kibierpartyzany» prosiać usprymać jaje papiaredžańnie dla kiraŭnictva inšych pradpryjemstvaŭ, ustanoŭ i arhanizacyj.
«Homielskaja praŭda» ačuniała ad ataki «Kibierpartyzanaŭ» tolki praz 8 dzion
«Kibierpartyzany» papiaredžvajuć pra niebiaśpiečny bah u telehramie