Сяргея Каваленку выклікаў на допыт новы следчы
03.03.2010 / 12:30
Позву ва ўправу папярэдняга расследавання УУС Віцебскага аблвыканкама атрымалі Сяргей Каваленка і яго жонка Алена.
Каваленкаў выклікаў на допыт Андрэй Баранаў. Гэта ўжо трэці следчы ў справе актывіста, якой спачатку займаліся следчыя Таццяна Тулаева і Аксана Муравіцкая.
Крымінальную справу супраць сябра КХП‑БНФ Сяргея Каваленкі міліцыянты распачалі, затрымаўшы яго за вывешванне бел‑чырвона‑белага сцяга на гарадской ёлцы ў Віцебску 7 студзеня
Каваленку вінавацяць адразу па двух артыкулах —грубае парушэнне грамадскага парадку і супраціў прадстаўнікам органаў унутраных спраў. За гэта Сяргею Каваленку пагражае да 6‑ці год турэмнага зняволення.