ІПэшнікам зноў дазволяць наймаць на працу не толькі сваякоў?
Такую прапанову бізнэс-колаў падтрымлівае міністр эканомікі Беларусі Мікалай Снапкоў.
09.03.2010 / 12:20
Старшыня «Мінскага сталічнага саюза прадпрымальнікаў і працадаўцаў» Уладзімір Карагін, які ўваходзіць у грамадскую раду пра Адміністрацыі прэзідэнта, мяркуе, што ўжо ў найбліжэйшы час будуць прынятыя змены ва ўмовах працы індывідуальных прадпрымальнікаў.
Галоўнае новаўвядзенне — прадпрымальнікам дазволяць наймаць на працу не толькі сваякоў, але і іншых грамадзян.Такое права было адабрана ў іх у пачатку 2008 года, што стала прычынай шматтысячных акцый пратэсту — дэманстранты двойчы перакрывалі рух у цэнтры Мінска, а тагачасны міністр унутраных спраў Навумаў асабіста кіраваў разгонам акцый.
Уладзімір Карагін кажа, што з такой прапановай да ўладаў звярнуліся усе бізнэс-структуры краіны, і міністр эканомікі падтрымаў ідэю. Цяпер чакаецца толькі рэзалюцыя кіраўніка дзяржавы.
Апроч таго,
мяркуецца ўвядзенне падаткавых зніжак для індывідуальных прадпрымальнікаў.