U Hrodnie lehkavik źbiŭ piešachodaŭ, a ŭ Baranavičach prataraniŭ dviery kramy

+ fota

Vynikam abiedźviuch avaryj stała špitalizacyja paciarpiełych.

02.04.2010 / 12:27

Vyrašyŭ praskočyć na čyrvonaje i źbiŭ dvuch piešachodaŭ.

Sumny vynik pjanych uciokaŭ ad DAI.

Hetuju kramu taraniać nie pieršy raz.

Ranicaj 2 krasavika ŭ Hrodnie na piešachodnym pierachodzie ŭ rajonie zavoda «Biełkard» lehkavik «Sitrajen» najechaŭ na dvuch piešachodaŭ, jakija pierachodzili prajeznuju častku na zialony sihnał śviatłafora, paviedamlaje Błoh Hrodno s13. Kiroŭca vyrašyŭ praskočyć na čyrvonaje śviatło. Žančynu z traŭmami špitalizavali, mužčynu paśla akazańnia miedycynskaj dapamohi adpuścili damoŭ. U vyniku zdareńnia spyniŭsia ruch na praśpiekcie Janki Kupały i vulicy Pieramohi, utvarylisia vialikija zatory.

1 krasavika ŭ Baranavičach niecviarozy kiroŭca praihnaravaŭ patrabavańnie supracoŭnikaŭ DAI spynicca i tolki dadaŭ hazu, piša «Intex-press» Ale daloka ŭciačy nie zmoh — pry pavarocie na vulicu Bresckuju jon nie spraviŭsia z kiravańniem, u vyniku čaho aŭto ŭrezałasia ŭ uvachod kramy. Darečy, heta druhi vypadak taranu kramy. Vynikam niaŭdałych uciokaŭ stała špitalizacyja kiroŭcy i čatyroch jaho pasažyraŭ.