U Minsku mašyna chutkaj dapamohi traŭmavała piensijanierku

14.04.2010 / 16:13

9 krasavika prykładna ŭ 11.30 38‑hadovy kiroŭca mašyny chutkaj miedycynskaj dapamohi, ruchajučysia zadnim chodam pa tratuary dvarovaj terytoryi doma № 2 pa vulicy Bielskaha ŭ Minsku, učyniŭ najezd na 83‑hadovuju žančynu.

Jak paviedamili va ŭpraŭleńni DAI HUUS Minharvykankama, u vyniku DTZ piešachodu byli naniesieny cialesnyja paškodžańni. Piensijanierka dastaŭlena ŭ balnicu chutkaj miedycynskaj dapamohi z zakrytaj čerapna‑mazhavoj traŭmaj lohkaj stupieni ciažkaści, zakrytym pierałomam levaha plača i zakrytym pierałomam levaha łakciavoha adrostka.

Padobnaje na hetaje DTZ adbyłosia pryblizna ŭ 15.00 nastupnaha dnia na terytoryi haražnaha masivu na vulicy Łyńkova. 41‑hadovy kiroŭca «BMV», ruchajučysia zadnim chodam, učyniŭ najezd na siamihadovaha chłopčyka, jaki znachodziŭsia zzadu transpartnaha srodku. U vyniku DTZ u dziciaci — čerapna‑mazhavaja traŭma siaredniaj stupieni ciažkaści, traŭmy pazvanočnaha addzieła. Jon dastaŭleny ŭ BCHMP.

Viačasłaŭ Budkievič, BiełaPAN