Лукашэнка: Пад Смаленскам загінулі кіраўнікі дружалюбнага, вельмі блізкага нам народа
Кіраўнік дзяржавы пракаментаваў катастрофу самалёта прэзідэнта Польшчы ля Катыні 10 красавіка.
14.04.2010 / 18:00
Трагедыя пад Смаленскам стала вынікам няправільнага рашэння галоўнага чалавека краіны.
Такое меркаванне выказаў лідэр Беларусі Аляксандр Лукашэнка сёння журналістам.
«Мы вельмі шкадуем. Гэта трагедыя. Загінуў не толькі прэзідэнт, амаль 100 чалавек — гэта кіраўнікі дружалюбнага, вельмі блізкага нам народа.
Вядома, гэтая трагедыя не магла не адгукнуцца ў нашых сэрцах, — сказаў кіраўнік беларускай дзяржавы. — Паслухаем, што скажа камісія, і вы ўбачыце, што ўсё было нармальна з тэхнікай. Тут было няправільнае рашэнне галоўнага чалавека».