Biełaruś – Kazachstan – 5:2
Zbornaja Biełarusi vyjhrała pieršy matč na čempijanacie śvietu pa chakiei, što prachodzić u Niamieččynie z 7 pa 23 maja.
09.05.2010 / 19:29
Zbornaja Biełarusi vyjhrała pieršy matč na čempijanacie śvietu pa chakiei, što prachodzić u Niamieččynie z 7 pa 23 maja.
9 maja ŭ Kiolnie padapiečnyja Eduarda Zankaŭca vyjhrali ŭ Kazachstana – 5:2 (0:0, 2:2, 3:0). Pryčym u pačatku druhoha pieryjada našyja chakieisty sastupali 0:2.
Šajby ŭ biełarusaŭ zakinuli Dźmitry Mialeška, Michaił Stefanovič, Alaksiej Kalužny, Rusłan Salej dy Siarhiej Dziamahin. Varoty baraniŭ Vital Koval.
Nastupny matč zbornaja Biełarusi praviadzie 11 maja z Słavakijaj (21:15),
13 maja – matč z Rasijaj (17:15). Matčy ŭ žyvym efiry tranśluje kanał «Ład».
U nastupny raund vychodzić try kamandy z hrupy. Siońnia ŭviečary na kanale «Ład» budzie pakazany ŭ žyvym efiry matč Rasija - Słavakija.