На поўдні Кіргізіі адбываюцца сутычкі прыхільнікаў і праціўнікаў ураду
13.05.2010 / 13:02
На цэнтральнай плошчы горада Ош у паўднёвай частцы Кіргізіі сабраліся прыхільнікі і праціўнікі часовага ўраду. Паміж імі
Па стане на 11.50 мясцовага часу ў будынак абласной адміністрацыі праніклі апазіцыянеры, якія патрабуюць вяртання ўлады ў рэгіёне ранейшаму губернатару Мамасадыку Бакіраву і яго першаму намесніку Айтмамату Кадырбаеву.
«Цяпер будынак занялі прыхільнікі ранейшай улады. Сам выканальнік абавязкаў кіраўніка рэгіёну Сааранбай Жэенбаеў знаходзіцца сярод мітынгоўцаў», — паведамляе 24.kg са спасылкай на ГУУС.
Міліцыя, якая знаходзіцца ў цэнтры падзей, не ўмешваецца ў тое, што адбываецца. У ГУУС Оша таксама паведамляюць, што «паводле папярэдніх дадзеных, зброі ва ўдзельнікаў акцыі няма». Паводле ацэнкі супрацоўнікаў органаў правапарадку, цяпер у цэнтры Оша на мітынгу — каля дзвюх тысяч чалавек, аднак колькасць мітынгоўцаў павялічваецца.
Раней чыноўнікі адміністрацыі вобласці паведамлялі, што новым губернатарам мітынгоўцы абвясцілі Эгемебрдзі Мырзабекава.