У снежні Бабруйск прыме маладзёжны чэмпіянат свету па хакеі ў групе «А» 1 дывізіёна
23.05.2010 / 13:07
У снежні 2010 года ў Бабруйску адбудзецца маладзёжны чэмпіянат свету па хакеі ў групе А першага дывізіёна. Такое рашэнне прыняў 22 мая гадавы кангрэс Міжнароднай федэрацыі хакея (ІІХФ), паведамляе сайт арганізацыі.
Турнір пройдзе 13—19 снежня з удзелам зборных Латвіі, Беларусі, Італіі, Украіны, Японіі і Вялікабрытаніі. Пераможца атрымае пуцёўку ў топ-дывізіён.
Для беларускай зборнай гэта будзе чацвёрты запар чэмпіянат у першым дывізіёне. У 2007—2009 гадах каманда нязменна займала другое месца. У 2007 годзе яна прапусціла наперад Латвію, у 2008-м — Швейцарыю, у 2009-м — Нарвегію.