Арцём Дубскі: Зона — гэта вялізная школа
Сёння раніцай з магілёўскай калоніі быў вызвалены актывіст «Маладога фронту» Арцём Дубскі. Ён адбываў гадавое пакаранне за ўхіленне ад адбыцця «хатняй хіміі».
25.05.2010 / 09:33
Сёння раніцай з магілёўскай калоніі быў вызвалены актывіст «Маладога фронту» Арцём Дубскі. Ён адбываў гадавое пакаранне за ўхіленне ад адбыцця «хатняй хіміі».Яшчэ ў красавіку 2008 года за ўдзел у акцыі пратэсту прадпрымальнікаў Арцём быў асуджаны на два гады абмежавання волі.
«Наша Ніва»: Наколькі цяжка табе даўся гэты турэмны тэрмін?
Арцём Дубскі: Зона — гэта вялізная школа. Усе 10 месяцаў, што на ёй знаходзіўся, я спрабаваў нечаму вучыцца. Нешта падкрэсліваць для сябе. Спрабаваў заводзіць новыя кантакты. Цяпер я яшчэ не разумею, дзе я, што са мной. Турма змяніла маё бачанне на свет. Праўда, пакуль яшчэ не разабраўся ў лепшы, ці горшы бок.
«НН»: А як здароўе?
АД: Здароўе ў турме падарваў. Гэтым пытаннем збіраюся заняцца бліжэйшым часам. Праблемы найбольш са страўнікам. З зубамі таксама, бо ў турме няякасная вада. Са зрокам бяда. Калі садзіўся, то зрок быў -0,9, то цяпер ужо -2. Калі б там былі яшчэ
«НН»: А адміністрацыя калоніі як да цябе ставілася?
АД: Адміністрацыя спачатку спрабавала са мной дамовіцца, потым запалохаць. Апошнім часам імкнуліся проста мяне кантраляваць. Хаця з тымі ж міліцыянтамі за грошы можна было лёгка дамовіцца, ка яны прынеслі мабільнік для званка дадому.
«НН»: Турма табе нешта дала?
АД: Вопыт камунікавання з людзьмі, коратка і па сутнасці. У турме я набыў карысныя сувязі. І гэта не звычайныя крымінальнікі, а людзі, якія могуць і ўмеюць зарабляць грошы, дырэктары дзяржпрадпрыемстваў. Яны таксама па вызваленні гатовыя нам дапамагаць.
«НН»: Што будзеш рабіць цяпер?
АД: Спачатку трэба добра адпачнуць. Агледзіцца. Не факт, што я буду працаваць з усімі тымі людзьмі, што працаваў да гэтага. Турма змяніла маё бачанне на некаторыя пытанні.