«Porter» atrymaŭ zołata
Pivavarnia «Alivaryja» zavajavała dźvie prestyžnyja mižnarodnyja ŭznaharody.
25.05.2010 / 16:23
Hatunki piva «Alivaryja Porter» i «Alivaryja Ekstra» vysoka acanili ŭ Bielhii i Aŭstralii.
Hatunki piva najstarejšaj minskaj pivavarni «Alivaryja» byli adznačanyja dźviuma prestyžnymi mižnarodnymi ŭznaharodami. Pra heta paviedamiŭ žurnalistam hiendyrektar AAT «Piŭzavod Alivaryja» Michaił Čečanieŭ. «Alivaryja Porter» i «Alivaryja Ekstra» vytvorčaści minskich pivavaraŭ vysoka acanili ŭ Bielhii i Aŭstralii. Na štohadovym konkursie Superior Taste Award (Brusiel), jaki ładzicca Mižnarodnym instytutam smaku i jakaści (iTQi), hatunak «Alivaryja Ekstra» atrymaŭ dźvie zorki — katehoryja «cudoŭny smak». Debiutantu konkursu «Alivaryja Porter» nie chapiła adnaho bała, kab atrymać najvyšejšuju ŭznaharodu «vybitny smak». U vyniku «Porter» atrymaŭ taksama dźvie zorki. Zatoje ŭ Aŭstralii na mižnarodnym konkursie The Australian International Beer Awards (AIBA) «Alivaryja Porter» atrymaŭ «zołata». «Alivaryja Ekstra» ŭ Mielburnie atrymała «bronzu».
Pośpiechi na mižnarodnych konkursach buduć vykarystanyja kampanijaŭ u tym liku i dziela prasoŭvańnia pradukcyi na źniešnich rynkach. U samych śmiełych płanach vychad na jeŭrapiejskija rynki — Litva, Łatvija, Hiermanija, Bielhija. A pakul «Alivaryja» dosyć paśpiachova zasvojvaje rasijski rynak.
Ekspart u Rasiju pa stanie na pačatak maja vyras u 91 raz: za apošnija čatyry miesiacy 2009 h. u RF pastavili 160 dał piva (1600 ł), za pieršyja piać miesiacaŭ hetaha hodu — 14710 dał (147100 ł).
Na pres-kanfierencyi ŭzhadali taksama zabaronu ŭžyvańnia piva ŭ hramadskich miescach. Pa słovach pradstaŭnikoŭ kampanii, papiarednija raźliki mahčymych strataŭ z-za novaŭviadzieńnia mohuć pryvieści da skaračeńnia doli na rynku piva na 1-2%.
Pa stanie na studzień – krasavik 2010 h., pavodle źviestak «Biełdziaržcharčpramu», dola rynka AAT «Piŭzavod Alivaryja» składaje 18,2 %.
Dola impartnaha piva na biełaruskim rynku składaje kala 30%. U suviazi z hetym «Alivaryja» raspačynaje kampaniju pa stvareńni pazityŭnaha vobraza biełaruskaha piva dy źmianieńni staŭleńnia da jaho z boku nie tolki ajčynnaha, ale i zamiežnaha spažyŭca. Dziela hetaha kampanija abviaściła konkurs dla ŚMI na najlepšy analityčny i infarmacyjny materyjał.
***
«Alivaryja» źjaŭlajecca najstarejšym u Biełarusi vytvorcam piva. U mai 2008 hoda AAT «Piŭzavod «Alivaryja» stała častkaj mižnarodnaha kancerna Carlsberg A/S, jaki vykupiŭ dolu Baltic Beverages Holding. Na hety čas Carlsberg źjaŭlajecca stratehičnym inviestaram i adnym z hałoŭnych akcyjanieraŭ «Alivaryi».