Sidorski nie pajechaŭ na sustreču z Pucinym
Premjer‑ministr Biełarusi nie voźmie ŭdziełu ŭ pasiadžeńni Vyšejšaha orhana Mytnaha sajuza Rasii, Biełarusi i Kazachstana, jakoje płanavałasia ŭ Sankt‑Pieciarburhu.
28.05.2010 / 13:02
Premjer‑ministr Biełarusi Siarhiej Sidorski nie voźmie ŭdziełu ŭ pasiadžeńni Vyšejšaha orhana Mytnaha sajuza Rasii, Biełarusi i Kazachstana, jakoje płanavałasia ŭ Sankt‑Pieciarburhu.
Pra hetaje pasiadžeńnie paviedamili rasijskija miedyi. RIA Novosti sa spasyłkaj na departamient pres‑słužby i infarmacyi rasijskaha ŭrada paviedamiła, što premjer Rasii Uładzimir Pucin razam z premjerami Biełarusi i Kazachstana mierkavali praciahnuć pieramovy pa šerahu dakumientaŭ, jakija rehlamientujuć pracu sajuzu. Pasiadžeńnie Vyšejšaha orhana Mytnaha sajuza Rasii, Biełarusi i Kazachstana projdzie padčas rabočaj pajezdki U.Pucina 28‑29 traŭnia ŭ Sankt‑Pieciarburhu.
Pres‑sakratar biełaruskaha premjera Alaksandr Cimašenka skazaŭ karespandentu «Svabody»:
«28—29 traŭnia ŭ premjera nie zapłanavany ŭdzieł ni ŭ jakich pasiadžeńniach u Sankt‑Pieciarburhu».
Taksama spadar Cimašenka skazaŭ, što jamu ničoha nie viadoma pra sustreču Siarhieja Sidorskaha i Uładzimira Pucina.
«Kali b jana była,to mnie pra heta było b viadoma».