U Sankt-Pieciarburhu adbudziecca dyktoŭka ŭ honar Vasila Bykava
Uryvak z knihi miemuaraŭ narodnaha piśmieńnika «Doŭhaja daroha dadomu» pračytaje bard Aleś Kamocki.
15.06.2010 / 17:06
19 červienia, u dzień naradžeńnia Narodnaha piśmieńnika Biełarusi Vasila Bykava, biełaruskaja moładź Sankt-Pieciarburha i MHA «Zhurtavańnie biełarusaŭ śvietu «Baćkaŭščyna» zaprašajuć uziać udzieł u biełaruskaj dyktoŭcy ŭ honar vialikaha prazaika.
U jakaści tekstu dla dyktoŭki budzie vykarystany ŭryvak z knihi miemuaraŭ Vasila Bykava «Doŭhaja daroha dadomu». Pračytaje dyktoŭku viadomy biełaruski bard Aleś Kamocki, jakomu paščaściła być asabista znajomym z Vasilom Bykavym. Padčas imprezy Aleś Kamocki padzielicca svaimi ŭspaminami pra Vasila Ŭładzimiraviča i paraduje haściej svaimi pieśniami.
Mierapryjemstva adbudziecca ŭ subotu, 19 červienia, u bibłijatecy Nacyjanalnych litaratur Sankt-Pieciarburha (bibłijateka imia A.S. Hrybajedava).
Zaprašajem usich prychilnikaŭ tvorčaści Vasila Bykava ŭšanavać pamiać lubimaha piśmieńnika.
Pačatak a 15:00.
Adras bibłijateki: vuł. Harochavaja, 41 (uvachod sa dvara; stancyja mietro «Siennaja płošča»).