28 чэрвеня Беларусь наведае прэм’ер‑міністр Літвы
21.06.2010 / 16:57
28 чэрвеня прэм’ер‑міністр Літвы Андрус Кубілюс наведае Беларусь і сустрэнецца з прэзідэнтам Аляксандрам Лукашэнкам. Гэту інфармацыю літоўскаму агенцтву навін BNS пацвердзілі ў прэс‑службе прэм’ер‑міністра Літвы.
Візіт пройдзе па запрашэнні прэм’ер‑міністра Сяргея Сідорскага. У праграме візіту — адкрыццё гандлёвага цэнтра літоўскіх прадпрымальнікаў, сустрэча з літоўскімі прадпрымальнікамі, якія працуюць у Беларусі.
Паводле слоў прэс‑сакратара прэм’ер‑міністра, Кубілюс таксама мае намер наведаць Чэрвень (Мінская вобласць) і ўшанаваць памяць ахвяр НКВД, якія загінулі ў 1941 годзе, а таксама сустрэцца з прадстаўнікамі грамадзянскай супольнасці.
Лукашэнка прыязджаў у Вільню з візітам у верасні 2009 года. Сідорскі наведаў Літву ў красавіку 2010 года.