У сезоне-2010/11 львоўскія «Карпаты» выступяць у колерах украінскіх нацыяналістаў
Паводле словаў кіраўніка інфармацыйнага цэнтра «Карпат» Данілы Нікуленкі, такое спалучэнне колераў – даніна павагі гісторыі краіны.
20.07.2010 / 22:56
У аўторак у Львове адбылася прэзентацыя запаснога камплекта формы «Карпатаў». Цяпер львоўская каманда ў некаторых матчах будзе нагадваць «Мілан».
Прадставілі паласаты чырвона-чорны камплект экіпіроўкі гульцы зборнай Украіны Арцём Федэцкый і Ігар Худабяк.
Паводле словаў кіраўніка інфармацыйнага цэнтра «Карпат» Данілы Нікуленкі, такое спалучэнне колераў – даніна павагі гісторыі краіны.
«Выбар менавіта такіх колераў формы – своеасаблівы рэверанс у бок ўкраінскага нацыянальна-вызвольнага руху, які ўзначальваў Герой Украіны Стэпан Бандэра. Агульнавядома, што заўзятары «Карпатаў» паважаюць слаўнае мінулае свайго краю, таму гісторыя краіны знайшла сваё адлюстраванне ў новай форме вядучай каманды рэгіёну. Па-другое, чырвона-чорная форма моцна кантрастуе з асноўным зялёна-белым камплектам «Карпатаў», таму каманда атрымлівае больш варыянтаў для выбару формы на канкрэтны матч. Гэта звыклая практыка для еўрапейскага футбола», - адзначыў Даніла Нікуленка.