Sapraŭdnaja biełaruskaja kuchnia: Zrazy (a la Nelson) z palandvicy

28.07.2010 / 10:33

1,5 kh jałavičyny, 2–3 vialikich łyžki masła, 2–3 cybuli, 400 h chleba, sol, 8–9 sušanych hrybkoŭ, 1,5 ł bulby.

Ź jałavičnaj palandvicy narezać zrazy, adbić, pasalić i pakinuć na niekalki hadzinaŭ. Namazać spod rondala toŭstym słojem masła, nasypać tudy siečanaj cybuli i ciortaha chleba, pałažyć radok zrazaŭ, znoŭ pakłaści masła, nasypać cybuli, chleba i jašče sušanych hrybkoŭ. Tak radami zapoŭnić rondal. Źvierchu pavinna być mnoha masła i trochi chleba i cybuli.

Tušyć na maleńkim ahni pad kryškaj, čas ad času traści rondal, kab ježa nie prystavała da ścienak i spodu rondala; dla lepšaha tušeńnia možna pierakłaści zrazy sa spodu navierch i naadvarot.

Kali zrazy buduć hatovyja, vykłaści na talerku, harnirujučy smažanaj bulbaj.

Z knihi V. Zavadskaj «Litoŭskaja kucharka», 1854 h.

Padrychtavała NB