U Rečyckim rajonie ad udaru małanki zhareŭ cialatnik

03.09.2010 / 13:15

Bujny pažar adbyŭsia ŭ Rečyckim rajonie 2 vieraśnia ŭ vyniku ŭdaru małanki.

Jak paviedamiŭ BiełaPAN pres-sakratar Homielskaha abłasnoha ŭpraŭleńnia MNS Rusłan Habryloŭ, zhareŭ cialatnik, jaki nie ekspłuatujecca, ahrakambinata «Chołmieč».

Da momantu prybyćcia ratavalnikaŭ adbyłosia abrušeńnie ŭsioj płoščy dachu budynka.

Rabotnikami sielhaspradpryjemstva z zahona, raźmieščanaha pobač z ačahom uzharańnia, było evakujavana bolš za 190 cialat. Ludzi i žyvioły nie paciarpieli. Supracoŭniki MNS vyratavali ad ahniu dźvie pabudovy.