Кардынал Казімір Свёнтэк паспяхова праапераваны ў Польшчы
15.09.2010 / 19:45
Беларускі кардынал Казімір Свёнтэк паспяхова праапераваны ў Любліне (Польшча). Кіраўнік мясцовай клінікі артапедыі і рэабілітацыі прафесар Міраслаў Яблоньскі, які апераваў Свёнтка, адзначыў, што аперацыя прайшла паспяхова.
Цяпер каталіцкі ерарх пройдзе там курс аднаўлення.
19 мая кардынал, знаходзячыся дома, зламаў шыйку левага сцягна, а ўжо 20 мая яму была зроблена першая аперацыя ў Мінску.
На сённяшні дзень Казімір Свёнтэк — адзін з двух найстарэйшых кардыналаў у свеце нараўне з італьянцам Эрзіліа Таніні (той нарадзіўся 20 ліпеня 1914 г.). Кардынал Свёнтэк нарадзіўся 21 кастрычніка 1914 года.