«Sovietskaja Biełorussiia»: vybary Jaho
16.09.2010 / 13:46
16 vieraśnia «Sovietskaja Biełorussiia» vyjšła z zahałoŭkam «Vybory Priezidienta: start dan». Mienavita tak, ź vialikaj litaraj u słovie «prezident». Pavodle novaha pravapisu biełaruskaj movy, hetaje słova musić pisacca ź vialikaj litary «ŭ aficyjnym užyvańni», kali majecca na ŭvazie dziejny kiraŭnik Respubliki Biełaruś. «Pry składańni pravapisu vyjšła, što rodavy nazoŭnik «prezident» pieratvaryŭsia ŭ vidavy. Jak nibyta Łukašenka ŭziaŭ sabie druhoje imia — Prezident Respubliki Biełaruś», — adznačyŭ movaznaviec Źmicier Saŭka. U dačynieńni ž movy rasijskaj strohich abmiežavańniaŭ va ŭžyvańni vialikaj litary ŭ hetym słovie niama, miarkuje Z.Saŭka.
Tym bolš, u kantekście zahałoŭka «SB» słova ŭžytaje jak ahulny nazoŭnik. Tamu vialikaja litara tut — palityčny vybar redakcyi. Maŭlaŭ, usie znajuć, chto ŭ nas prezident ź vialikaj litary, i start dadzieny vybaram Jaho.