Выклікаў міліцыю на зборшчыкаў Лукашэнкі
бо тыя не мелі пасведчанняў сяброў ініцыятыўнай групы.
07.10.2010 / 14:57
Пікеты за Аляксандра Лукашэнку плаўна раскіданы па ўсёй сталіцы.Маладыя людзі пад дзяржаўным сцягам і партрэтам лідэра заклікаюць распісацца за свайго кандыдата. Асаблівага ажыятажу сярод іх няма.
Хітом у інтэрнэце сталі здымкі, як подпісы за Лукашэнку збіраюць ля кінатэатра пад афішамі камедыі «Зноў ты» і фільма жахаў «Абіцель зла — 4».
Анекдатычны выпадак адбыўся ў панядзелак.Прадпрымальнік Алесь Таўстыка выклікаў міліцыю на зборшчыкаў подпісаў за Лукашэнку, бо тыя не мелі пасведчанняў сяброў ініцыятыўнай групы. Ясна, што нікога не затрымалі.