Žycharam italjanskaha horada zabaroniać nasić mini‑spadnicy i nizkija džynsy
«My pavinny adnavić staryja tradycyi vialikich haradoŭ, kab palepšyć suisnavańnie hramadzianaŭ»
21.10.2010 / 16:21
Mini‑spadnicy, kofty z hłybokim dekalte i džynsy sa źnižanaj tałijaj mohuć być aficyjna zabaronienyja ŭładami horada Kastełamare dy Stabija, raźmieščanaha na poŭdni Italii, paviedamlaje ahienctva ANSA.
«My pavinny adnavić staryja tradycyi vialikich haradoŭ, kab palepšyć suisnavańnie hramadzianaŭ», — zajaviŭ hubiernatar horada Łuidžy Bobi, kamientujučy zakonaprajekt, jaki moža być pryniaty miascovym kiraŭnictvam u paniadziełak.
«Hetyja praviły pavinny vykonvacca kožnym zakonapasłuchmianym hramadzianinam našaj krainy», — zajaviŭ Bobi.
Pa dadzienych vydańnia, parušalniki novaŭviadzieńnia buduć pakaranyja štrafam ad € 25 da € 500.
Akramia našeńnia «niaścipłaha» adzieńnia, žycharam Kastełamare budzie zabaroniena publična zaharać i hulać u futboł u parkach i sadach horada.