A 19.30 vystup Niaklajeva — na sajcie NN užyvuju

Što robiać kandydaty 3—4 śniežnia?

03.12.2010 / 18:42

Vital Rymašeŭski, Andrej Sańnikaŭ i Uładzimir Niaklajeŭ 3 śniežnia sustrenucca z vybarščykami ŭ Minsku, Ryhor Kastusioŭ praviadzie sustrečy ŭ rehijonach, Jarasłaŭ Ramančuk pahutaryć z žurnalistami. Pra heta BiełaPAN paviedamili ŭ štabach kandydataŭ u prezidenty.

Jak zaznačyŭ kiraŭnik vybarčaha štaba Rymašeŭskaha Pavieł Sieviaryniec, kandydat u prezidenty siońnia vierniecca z Brusiela. Jon sustreniecca ź biełaruskimi i zamiežnymi žurnalistami, paśla čaho, u 18 hadzin, u jaho zapłanavana sustreča ŭ minskaj škole № 7 pa adrasie: praśpiekt Puškina, 5a.

Aktyvisty kampanii «Havary praŭdu!» 3 śniežnia pravodziać šerah mierapryjemstvaŭ:

a 12-j hadzinie kala ŭvachodu ŭ budynak CVK projdzie akcyja z patrabavańniem pradastavić dadatkovy čas na biełaruskim telebačańni dla kandydataŭ.
Na akcyi buduć prysutničać kiraŭnik štaba Uładzimira Niaklajeva Andrej Dźmitryjeŭ, a taksama davieranyja asoby kandydata ŭ prezidenty, paviedamiła pres-sakratar kandydata Julija Rymašeŭskaja.

Viečaram, pavodle jaje słoŭ, va ŭsich rehijonach Biełarusi projdzie akcyja «Hladzim Niaklajeva razam!».

«U Minsku hladzieć vystupleńnie Uładzimira Niaklajeva my budziem u siaredniaj škole № 20 pa vulicy Parnikovaj, 5a, dzie ŭ 19.00 vystupiać davieranyja asoby, a ŭ 20.15 pryjedzie sam kandydat u prezidenty i praviadzie sustreču ź miascovymi žycharami», — skazała Rymašeŭskaja.

Pa BT jon maje vystupić a 19:30
U subotu, 4 śniežnia, Niaklajeŭ naviedaje rynak «Ždanovičy», dzie sustreniecca z pradprymalnikami — patencyjnymi vybarcami

Čarhovaja sustreča Andreja Sańnikava z vybarščykami stalicy projdzie ŭ Minskaj dziaržaŭnaj chareahrafičnaj himnazii-kaledžy pa adrasie: vulica Prytyckaha, 35. Pačatak sustrečy, a 19.00, paviedamiŭ BiełaPAN pres-sakratar Sańnikava Alaksandr Atroščankaŭ. Pavodle jaho słoŭ, u sustrečy taksama voźmuć udzieł davieranyja asoby kandydata ŭ prezidenty — narodnaja artystka Biełarusi Zinaida Bandarenka i kandydat ekanamičnych navuk, dacent Leanid Złotnikaŭ.

Jarasłaŭ Ramančuk 3 śniežnia budzie sustrakacca z presaj. A 12-j u jaho zapłanavana anłajn-kanfierencyja na sajcie «Radyjo Svaboda», z 15 da 16 hadzin — zapis dla telekanała «Biełsat», z 16.30 da 17.30 — zdymka dla «Komsomolskoj pravdy» v Biełoruśsii», paviedamiła kiraŭnik pres-hrupy Ramančuka Hanna Krasulina.

Kandydat u prezidenty ad Partyi BNF Ryhor Kastusioŭ naviedvaje Bresckuju vobłaść. 3 śniežnia ŭ 13 hadzin jon praviadzie pikiet na rynku ŭ Ivacevičach, u 15 hadzin — taki ž pikiet u Biełaaziorsku, kala doma handlu, i ŭ 18.30 sustreniecca z vybarščykami ŭ Biarozie, u budynku filijała Biarozaŭskaha doma kultury.

Uładzimir Niaklajeŭ pavinien vystupić pa BT