Ад офісу Някляева рушыць калона
Абноўлена.
Маршрут калоны: вуліцы Няміга — Раманаўская Слабада — Інтэрнацыянальная — Леніна — праспект Незалежнасці — Кастрычніцкая плошча.
19.12.2010 / 20:09
Маршрут калоны: вуліцы Няміга — Раманаўская Слабада — Інтэрнацыянальная — Леніна — праспект Незалежнасці — Кастрычніцкая плошча.
Як паведамляе карэспандэнт «Нашай Нівы», каля офісу кандыдата ў прэзідэнты Уладзіміра Някляева, што на Нямізе, праз некалькі хвілін рушыць невялікая калона ў паўсотні чалавек. Перад людзьмі выступіў Андрэй Дзмітрыеў, кіраўнік штабу Някляева. Ён патлумачыў, што ад штабу павінен ад’ехаць бус з гукаўзмацняльнай тэхнікай. А непадалёку дзяжурыць аўто ДАІ. Дзмітрыеў папярэдзіў пра магчымыя праблемы з дастаўкай абсталявання.
Да някляеўцаў далучыўся яшчэ адзін кандыдат — Мікола Статкевіч. Ён паведаміў, што сустракаўся з Няклаевым для ўзгаднення дзеянняў на плошчы.
Някляеў кажа: «Мы ідзен на Плошчу, каб яна не прызнала вынікаў выбараў».
Мікрааўтобус з апаратурай едзе ў атачэнні людзей, якія ўзялі яго ў шчыльнае кола. На спуску да Калектарнай ДАІ перагарадзіла калоне шлях.