Ekzit-poły i aficyjnyja źviestki: z dakładnaściu da naadvarot

19.12.2010 / 21:43

Telebačańnie «Biełsat» ahučyła vyniki sacyjałahičnaha apytańnia, vykananaha na jahonuju zamovu siońnia.

Pavodle vynikaŭ apytańnia, za Łukašenku prahałasavała 30,5% vybarcaŭ.

Na druhim miescy — Uładzimir Niaklajeŭ z 13,7%. Na trecim — Andrej Sańnikaŭ z 10,9%.

U Jarasłava Ramančuka 8,7%. U Statkieviča i Rymašeŭskaha pa 2,8%. Ciareščanka nabiraje 1,5%. Michalevič — 1,3%. Kastusioŭ — 1,2%, Vus — 0,4%.

Bolš źviestak možna pabačyć na sajcie belsat.eu.

Imaviernaść: nieviadoma, chto i dzie rabiŭ hetaje apytańnie.

* * *

Ekzit-poł ANT: za Łukašenku 72%

U efiry ANT kiraŭnik kampanii TNS-Ukraina Mikałaj Čuryłaŭ ahučyŭ źviestki ekzit-poła, praviedzienaha pa zamovie hetaha telekanała.

Pavodle hetych źviestak, Alaksandr Łukašenka nabraŭ 72,2%. Druhoje-treciaje miescy padzialili Uładzimir Niaklajeŭ i Andrej Sańnikaŭ, u jakich pa 6,1%.

Na čaćviortym - Jarasłaŭ Ramančuk (3%). Astatnija kandydaty nabrali kala 1,5-2%. Suprać usich prahałasavała 5,8% vybarščykaŭ.

Imaviernaść: nieviadoma, chto i dzie rabiŭ hetaje apytańnie. Mikałaj Čuryłaŭ "prasłaviŭsia" falšavańniem ekzit-poła na ŭkrainskich vybarach 2004 hoda.

* * *

Rasijskaja sacyjałahičnaja słužba INSIDE: Łukašenka nabiraje tolki 37,8%

Pavodle dadzienych apytańnia na vychadzie z vybarčych učastkaŭ, jakoje pravodzicca rasiejskim Ahienctvam efektyŭnych kamunikacyj INSIDE, na 14 hadzinaŭ za Alaksandra Łukašenku prahałasavali 37,8%, a za alternatyŭnych kandydataŭ u ahulnaj kolkaści 42%. Akramia taho, 12,4% admovilisia ad adkazu i 6,2% prahałasavali suprać usich.

Imaviernaść: sacyjałahičnaja słužba nieviadomaja. Vierahodnaść hetaha apytańnia padryvajecca tym, što jano było ahučanaje zadoŭha da skančeńnia hałasavańnia.

* * *

«Ekaom» skončyŭ ekzit-poł daterminova

Alaksandr Łukašenka nabiraje na prezidenckich vybarach 72,03% hałasoŭ, jaho bližejšy kankurent — usiaho tolki 6,33%. Takija dadzienyja ekzit-połaŭ na 13.00 paviedamiŭ kiraŭnik analityčnaha centra EcooM Siarhiej Musijenka.

Imaviernaść: vierahodnaść hetaha apytańnia padryvajecca tym, što jano było ahučanaje zadoŭha da skančeńnia hałasavańnia. Hetaja słužba nieviadomaja nijakimi svaimi daśledavańniami, źjaŭlajecca navidavoku tolki ŭ časie vybaraŭ.

* * *

Za Łukašenku, pavodle papiarednich vynikaŭ, prahałasavali 79,67% hałasoŭ (5 młn 122 tys. vybarščykaŭ),

pra heta paviedamiła siońnia ŭ Infarmacyjnym centry CVK staršynia Centrvybarkama Lidzija Jarmošyna.

Za Ryhora Kastusiova addali svaje hałasy 1,97% vybarščykaŭ, za Alaksieja Michaleviča — 1,2%, Uładzimira Niaklajeva — 1,77%, Jarasłava Ramančuka — 1,97%, Vitala Rymašeŭskaha — 1,1%,

Andreja Sańnikava — 2,56%,

Suprać usich prahałasavali 6,47% vybarščykaŭ.

Na minułych vybarach Ł.Jarmošyna nazyvała ličbu 83% hałasoŭ, a ciapier -- usiaho 79%.

Mikoła Buhaj