Лукашэнка прасіў Януковіча прыслаць у Беларусь «вменяемого» пасла
Пра гэта ён заявіў на ўручэнні даверчых лістоў.
20.09.2011 / 13:53
Беларусь чакае ад новага пасла Украіны паслядоўнай і сістэмнай працы па выбудоўванні сапраўды партнёрскіх адносін ва ўсіх сферах супрацоўніцтва. Аб гэтым Аляксандр Лукашэнка заявіў на цырымоніі ўручэння даверчых грамат пасламі замежных дзяржаў.
У гутарцы з паслом Украіны Віктарам Ціханавым Аляксандр Лукашэнка сказаў: «Не хаваю, што я прасіў Віктара Януковіча накіраваць нам разумнага, вопытнага, адказнага [вменяемого] чалавека, каб падняць наша супрацоўніцтва на больш высокі ўзровень і сцерці якіясьці шурпатасці ў нашых адносінах».
Аляксандр Лукашэнка заявіў, што ў бліжэйшы час «мы наладзім дыялог з Украінай на самым высокім узроўні».