Паліва такі падаражэла на 5%
«у мэтах паэтапнага збліжэння цэн на тавары ў краінах Мытнага саюза».
11.04.2012 / 09:00
11 красавіка рознічныя і адпускныя цэны на паліва выраслі на 5%. Пра гэта паведамляецца на сайце канцэрна «Белнафтахім».
Рознічныя цэны на бензін і дызельнае паліва на АЗС пабольшалі ў сярэднім на 5% і з 11 красавіка 2012 складаюць за 1 літр:
бензін Нармаль-80 — 6050 рублёў,
бензін АІ-92 — 6300 рублёў,
бензін АІ-95 — 6800 рублёў,
дызельнае паліва — 6950 рублёў.
Перагляд цэнаў на нафтапрадукты здзейснены ў мэтах паэтапнага збліжэння цэн на тавары ў краінах Мытнага саюза і павышэння эфектыўнасці працы беларускіх нафтаперапрацоўчых заводаў. Дзеючыя рознічныя цэны на нафтапрадукты (з улікам павелічэння) застаюцца ніжэйшымі за ўзровень аналагічных цэн у Расійскай Федэрацыі на 15-18%, паведамляецца на сайце канцэрна.
Гэта другое падаражанне паліва ў гэтым годзе. Першае ў гэтым годзе падаражанне аўтамабільнага паліва адбылося 14 сакавіка. Цэны тады павялічыліся таксама ў сярэднім на 5%.