Міністэрства замежных спраў Расіі заявіла, што прынятая 11 сакавіка парламентам Крыма дэкларацыя незалежнасці адпавядае нормам міжнароднага права.
Пра гэта гаворыцца ў паведамленні, апублікаваным на сайце МЗС РФ у аўторак.
У расійскім знешнепалітычным ведамстве адзначылі, што ў дэкларацыі змяшчаецца міжнародна-прававое абгрунтаванне гэтага кроку з спасылкамі на Статут ААН і іншыя міжнародныя дакументы, а таксама заключэнне Міжнароднага Суда ААН ад 22 ліпеня 2010 г па Косава.
«Расійская Федэрацыя будзе ў поўнай меры паважаць вынікі свабоднага волевыяўлення народаў Крыма ў ходзе рэферэндуму», — гаворыцца ў дакуменце.
Як вядома, «Вярхоўная Рада» Крыма прыняла дэкларацыю ў падтрымку незалежнасці рэгіёну ад Украіны і мае намер увайсці ў склад РФ.
Прынятая дэкларацыя прадугледжвае абвяшчэнне аўтаноміі незалежнай свецкай шматнацыянальнай дзяржавай з рэспубліканскай формай праўлення ў выпадку, калі большасць удзельнікаў рэферэндуму выкажацца за далучэнне да Расіі.
Пасля абвяшчэння незалежнасці Крым на правах незалежнай дзяржавы звернецца да Расіі з просьбай прыняць яго ў свой склад.
У аўторак жа «спікер» Вярхоўнай Рады Крыма Уладзімір Канстанцінаў заявіў, што «вяртання Крыма ў склад Украіны не будзе».
