Сакрэтнае рашэнне аб далучэнні Крыма да Расіі ўжо прынята на самым высокім узроўні ў Крамлі, сцвярджаюць крыніцы «Газеты.Ru».
Крым, хутчэй за ўсё, будзе прыняты ў склад РФ у якасці рэспублікі, у якой будуць выкарыстоўваць дзве афіцыйныя мовы: расійскую і крымска-татарскую.
У аўторак «Вярхоўная рада» Крыма прыняла нечаканае на першы погляд рашэнне: зацвердзіла дэкларацыю аб незалежнасці аўтаноміі. Дэкларацыя абвяшчае: у выпадку калі на рэферэндуме 16 сакавіка большасць жыхароў рэспублікі выкажуць жаданне далучыцца да Расіі, Крым будзе абвешчаны «незалежнай і суверэннай дзяржавай з рэспубліканскай формай праўлення». Пасля гэтага новаяўленая суверэнная дзяржава звернецца да Расіі з просьбай далучэнні яе да сваёй тэрыторыі ў якасці новага суб'екта.
Падставай для такога далучэння стане расейска-крымскі Міждзяржаўны дагавор.
У прэамбуле да дэкларацыі крымскія парламентарыі спасылаюцца на палажэнні статута ААН «і цэлага шэрагу іншых міжнародных дакументаў, што замацоўваюць права народаў на самавызначэнне», а таксама на рашэнне Міжнароднага суда ААН у адносінах да Косава ад 22 лiпеня 2010 года, згодна з якім дэкларацыя аб незалежнасці, зацверджаная ў 2008 косаўскай уладай, не парушыла міжнароднага права. А значыць, недвухсэнсоўна даюць зразумець аўтары Дэкларацыі аб незалежнасці Крыма, прыняты дэпутатамі аўтаноміі дакумент таксама міжнароднае права не парушае.
Гэты крок мае выразную мэту і вырашае дзве задачы.
Першая - прывязаўшы абвяшчэнне незалежнасці Крыма да вынікаў рэферэндуму, Масква, па словах крыніцы, блізкай да Крамля, прадэманстравала Захаду, па якой схеме намерана дзейнічаць далей. Другая — калі па выніках крымскага плебісцыту прымаецца рашэнне аб далучэнні да Расіі, а затым рэспубліка абвяшчае сябе «незалежнай і суверэннай дзяржавай», якая мае права заключаць міжнародныя дамовы, то Расіі не прыйдзецца мяняць ўнутранае заканадаўства, якія датычацца ўтварэння новых суб'ектаў Федэрацыі.
