Доўг Украіны перад Расіяй складае $16 млрд. Аб гэтым прэм'ер Мядзведзеў паведаміў прэзідэнту Расіі Пуціну на пасяджэнні Рады бяспекі Расіі.
Reuters.com
«Украіна мае даволі значны доўг перад Расійскай Федэрацыяй, як дзяржаўны, так і карпаратыўны. Лічу, што мы такія грошы не можам губляць з улікам таго, што наш бюджэт таксама мае свае цяжкасці», — патлумачыў Мядзведзеў.
Ён удакладніў, што гэтая сума ўключае $ 3 млрд пазыкі, нядаўна прадастаўленай Украіне ў выглядзе куплі еўра-аблігацыйнай пазыкі, і назапашаную запазычанасць «Газпрому» ў памеры амаль $ 2 млрд.
Мядзведзеў таксама дадаў, што Расія можа праз суд спагнаць з Украіны 11 млрд даляраў з-за дэнансацыі Харкаўскіх дамоў 2010 года.
У 11 мільярдаў даляраў ацэньваецца сума, якую Расія страціць з-за працягу дзеяння дамоўленасцей у Харкаве. Па іх умовах Масква дала Кіеву зніжку на газ у памеры не больш за 100 даляраў за тысячу кубаметраў. Пасля зніжкі Украіна стала плаціць крыху больш за 400 даляраў за тысячу кубаметраў газу.