Аэрапорт імя Джона Кенэдзі ў Нью-Ёрку стане першым з пяці найбуйнейшых аэрапортаў ЗША, дзе будзе ўведзены ўзмоцнены кантроль пасажыраў, якія прыбылі з краін з вірусам Эбола.
Пасажыры з Ліберыі, Сьера-Леонэ і Гвінеі павінны будуць адказаць на шэраг пытанняў і ў выпадку неабходнасці могуць быць падвергнуты медыцынскаму агляду.
Праверкі ў іншых аэрапортах Нью-Ёрка, а таксама аэрапортах Чыкага, Вашынгтона і Атланты пачнуцца ў бліжэйшыя дні.
У сераду ў бальніцы амерыканскага штата Тэхас памёр пацыент, які стаў першым чалавекам, у якога вірус Эбола быў выяўлены на тэрыторыі ЗША.
Томас Данкан, які заразіўся гэтай інфекцыяй ў Ліберыі перад прыездам у Злучаныя Штаты, утрымліваўся ў поўнай ізаляцыі ў бальніцы горада Даласа.
