belapan.by
Крыху больш за год ён пражыў пасля выяўлення бакавога аміятрафічнага склерозу.
Фёдару (Францу) Ястрабу сёлета споўніўся 61 год. Да хваробы ён загадваў галерэйна-выставачным аддзелам у Нацыянальнай бібліятэцы Беларусі. Сябра Беларускага саюза мастакоў. Выкладаў у БДУ культуры і мастацтваў.
Развітанне з мастаком пройдзе сёння з 10.00 да 12.00 у касцёле Святых Сымона і Алены.
Бакавы аміятрафічны склероз (хвароба маторных нейронаў) — невылечная хвароба цэнтральнай нервовай сістэмы, пры якой адбываецца паражэнне маторнай кары галаўнога мозга і рухальных нейронаў. Гэта прыводзіць да паралічаў і ў далейшым атрафіі цягліцаў. Штогод выяўляецца 1-2 выпадкі захворвання на 100 тысяч чалавек.
