Расія вырашыла абмежаваць пастаўкі прадукцыі з Мінскага мясакамбіната з-за афрыканскай чумы свіней (АЧС). Пра гэта паведамляе Рассельгаснагляд.
Галоўны ветінспектар Расіі Яўгеній Непаклонаў паведаміў пра выяўленне ў чатырох з пяці пробаў мяса гэтага камбіната геному афрыканскай чумы свіней.
«Дадатковы аналіз пробаў ва Усерасійскім навукова-даследчым інстытуце ветэрынарнай вірусалогіі і мікрабіялогіі Расійскай акадэміі сельскагаспадарчых навук пацвердзіў дакладнасць дыягностыкі. У гэтай сітуацыі Рассельгаснагляд вымушаны ўвесці часовыя абмежаванні на пастаўкі мясной прадукцыі, вырабленай Мінскім мясакамбінатам», - гаворыцца ў паведамленні.
