«Некаторыя ў нас міністры дапрацаваліся да таго, што іх дзеці пастаянна жывуць у Злучаных Штатах Амерыкі і навучаюцца там, а яны рэфармуюць нашу сістэму адукацыі. Зразумела, што будзе ад гэтых рэформаў»,
— заявіў сёння Аляксандар Лукашэнка.
За мяжой ужо шмат гадоў жыве сын міністра адукацыі Сяргея Маскевіча — Дзяніс.
Паводле профілю Дзяніса ў сацыяльнай сетцы для прафэсіяналаў LinkedIn,
Маскевіч-малодшы скончыў універсітэт Мангейма і БДУ і шмат гадоў працуе ў галіне праграмавання і вэб-дызайну. Дзяніс — заснавальнік кампаніі ShopLogic, працуе ў кампаніі BloomReach.
Паводле інфармацыі Радыё Свабода, апошнім часам Дзяніс захапляецца падарожжамі.
