Аддзел па барацьбе з эканамічнымі злачынствамі міліцыі Наваполацка выявіў, што доктар-рэнтгенолаг вырабіў для прызыўніка сфальсіфікаваны рэнтгенаўскі здымак. За паслугу ён узяў 400 даляраў ЗША. Даследчая праверка выявіла таксама, што медык пракансультаваў хлопца, якім чынам пацвердзіць уяўную хваробу пры наступных аглядах у іншых установах аховы здароўя.
Следчы камітэт распачаў крымінальную справу па арт. 433 (прыняцце незаконнага ўзнагароджання) КК, паведамляе прэс-служба ведамства.





