Адзін з самых вядомых японскіх кінаакцёраў Кен Такакура памёр ва ўзросце 83 гадоў. Сусветную славу яму прынесла роля паліцэйскага ў фільме Рыдлі Скота «Чорны дождж» (1989).
На працягу 50 гадоў Такакура быў зоркай японскага кіно, у асноўным выконваючы ролі паліцэйскіх і гангстэраў.
Такакура стварыў вобраз маўклівага героя-адзіночкі, які строга трымаецца своеасаблівага кодэкса гонару.
Кен Такакура стаў адным з увасабленняў «высакароднага якудзы».
У апошні час акцёр праходзіў курс лячэння ад лімфомы.
