П'янага мужчыну не пусцілі ў мінскае метро, пасля чаго ён вырашыў вярнуць жэтон у касу станцыі «Маладзёжная» і разбіў у ёй шкло, паведамілі БелТА ў ГУУС Мінгарвыканкама.

Гэты 30-гадовы грамадзянін быў затрыманы. Пры гэтым у кампаніі з дэбашырам апынуўся мужчына, які з 2007 года знаходзіцца ў міждзяржаўным вышуку па ініцыятыве органаў унутраных спраў Чэлябінскай вобласці Расіі як без вестак зніклы.

Акрамя таго, супрацоўнікі УУС па ахове мінскага метрапалітэна на станцыі «Плошча Леніна» затрымалі 22-гадовага мінчука, які быў у стане моцнага наркатычнага ап'янення.

Сам затрыманы запэўніваў, што ён ужыў спіртное. «У рэальнасці ж малады чалавек быў пад моцным дзеяннем курыльнага наркотыку, што выяўлялася ў неадэкватных паводзінах. Затрыманы доўгі час не мог назваць ні дату, ні месца, дзе ён знаходзіцца», — распавялі ў міліцыі.

Як высветлілася пазней, хлопец працуе грузчыкам на адной з сталічных касметычных фабрык, куды і хацеў дабрацца на метро. Cпайс, па яго словах, паспрабаваў упершыню, купіўшы дозу праз інтэрнэт. Частку курыльнай сумесі ён ужыў перад працай, частку пакінуў на потым. Дзеянням затрыманага даецца прававая ацэнка.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?