У канцы гэтага тыдня быў спушчаны на ваду другі верталётаносец тыпу «Містраль», пабудаваны ў Францыі па замове Расіі — «Севастопаль».
Спуск адбыўся без заўважнай колькасці назіральнікаў — карабель знаходзіўся ў сухім доку, які потым быў запоўнены вадой.
Карма «Севастопаля» будавалася ў Расіі, а потым была дастаўленая ў Францыю для канчатковай зборкі карабля.
Парыж замарозіў выкананне расійскай ваеннай замовы на суму 1,2 мільярда эўра ў сувязі з расійскай вайсковай інтэрвенцыяй ва Украіне.
Расійскія чыноўнікі заяўлялі, што перадача першага верталётаносца «Уладзівасток» адбудзецца 14 лістапада, аднак гэта не адбылося. Наступная дата, якую называюць расійскія СМІ, 27 лістапада.
