Аргенцінскі форвард каталонскай «Барселоны» Ліянель Месі абыграў свайго бразільскага аднаклубніка Неймара ў чаканцы мяча.
Футбалістам было прапанавана паспаборнічаць у жангляванні мяча на прэзентацыі, арганізаванай нямецкім аўтавытворцам Audi. Згодна з умовамі спаборніцтва, гульцы павінны былі чаканіць мяч на працягу хвіліны, «зараджаючы» яго энергіяй. У выніку выйграў Месі, набраўшы 1004 балы, а Неймар атрымаў 989. Пры гэтым бразілец адзін раз выпусціў мяч у пачатку спаборніцтваў і таксама справакаваў падзенне мяча аргенцінца.
Неймар далучыўся да «Барселоны» ў 2013 годзе, тады як Месі з'яўляецца выхаванцам каталонцаў і выступае за асноўны склад сіне-гранатавых з 2004-га. У гэтым сезоне іспанскага чэмпіянату бразілец забіў 11 мячоў у 11 матчах, а аргенцінец стаў аўтарам 10 галоў у 12 гульнях.
