Пры ўдзеле байцоў «Алмаза» быў спынены яшчэ адзін канал пастаўкі ў Беларусь наркотыкаў.
«У ходзе правядзення спецаперацыі ў некалькіх раёнах сталіцы былі затрыманыя чацвёра грамадзян Рэспублікі Беларусь і адзін грамадзянін Аўстраліі. Пры правядзенні ператрусу ў прыватным доме па месцы жыхарства аднаго з затрыманых мінчукоў было знойдзена і канфіскавана больш за 260 г какаіну і каля 500 г марыхуаны», — адзначылі ў ГУУС Мінгарвыканкама.
Па месцы пражывання другога затрыманага выявілі яшчэ 18 кг гашышу і 10 г какаіну, у трэцяга — 1,88 г какаіну.
У Следчым камітэце ўдакладнілі, што 41-гадовы грамадзянін Аўстраліі з’яўляецца ўраджэнцам Беларусі. У яго пры сабе знайшлі 1,93 г какаіну і разавую дозу гашышу. Ён і расказаў, у каго набыў наркотыкі.
Заведзены крымінальныя справы.