Магутны выбух прагрымеў у офісным будынку ў цэнтры Адэсы, дзе размешчаны пункт збору дапамогі для ўкраінскага войска, паведамляюць відавочцы.
Выбух адбыўся на першым паверсе пяціпавярховага будынка на рагу Адміральскага праспекта і вуліцы Краснова. У выніку інцыдэнту ніхто не пацярпеў, бо ў будынку на той момант нікога не было.
Актывіст Далія Севярын, якая ўзначальвае валанцёрскую арганізацыю, пацвердзіла на сваёй старонцы ў Facebook, што з-за выбуху пацярпеў іх офіс. Арганізацыя займаецца зборам прадметаў першай неабходнасці для вайскоўцаў у зоне АТА.
На мінулым тыдні ў Адэсе прагрымеў выбух у краме «Патрыёт», дзе прадаецца дзяржаўная сімволіка і нацыянальнае адзенне. Тады таксама ніхто не пацярпеў. Праваахоўныя органы распачалі крымінальную справу па артыкуле аб тэракце.
