Каб атрымліваць інфармацыйныя паведамленні, трэба зарэгістравацца на сайце www.komplat.by (падрабязная інструкцыя па-руску, PDF).
Пасля рэгістрацыі трэба зайсці ў Асабісты кабінет, у меню абраць «SMS-інфармаванне», пацвердзіць пагадненне, пазначыць рахункі, для якіх будзе актывізаваная паслуга і пазначыць нумар мабільнага тэлефону.
Па заканчэнні падключэння паслугі на ваш нумар прыйдзе SMS з кодам пацверджання, гэты код трэба ўвесці ў адпаведнае вакенца на сайце. Гэта не адмяняе атрымання папяровай «жыроўкі».
Такім чынам можна атрымаць:
- Інфармацыю пра аплату жыллёва-камунальных паслуг і аплату за карыстанне жылым памяшканнем
- Напамін пра ўнясенне паказнікаў па лічыльніках вады
- Напамін пра тэрміны аплаты
- Інфармацыю пра запазычанасць на рахунку
Паведамленні каштуюць 300 рублёў на месяц. Пры падключэнні раз на месяц таксама можа прыходзіць рэклама.
У графе «жыроўкі» «Інфармацыйная паслуга» звычайна прысутнічае аплата ў 200 рублёў. З падключэннем інфармавання яна падвысіцца да 500 рублёў.
