Самы нізкі курс продажу даляра па стане на раніцу 18 снежня складае 11 170 рублёў. Такі курс выставіў «Альфабанк». У іншых фінансавых установах кошт даляра даходзіць да 11 400 рублёў.
Яшчэ ўчора раніцай даляр можна было набыць за 10990-11020 рублёў. Фактычна рост курса за дзень склаў 150 рублёў.
Нацбанк тым часам прытрымліваецца ранейшай неафіцыйнай стратэгіі «+10 альбо 0». Паводле яе, на таргах курс даляра можа павялічыцца не больш чым на 10 рублёў, альбо ўвогуле застацца нязменным. Нацбанк карыстаецца гэтым прыёмам больш за год, ад лістапада 2013 года.
У выніку афіцыйны курс даляра на сёння складае 10 880 рублёў. Розніца паміж ім і абменным курсам дасягнула 290 рублёў.
0
0
0
0
0
0
