Беларускія чыноўнікі перад Новым годам наведваюць з падарункамі шматдзетныя сем'і і дзіцячыя дамы.
Сёлета памочнік прэзідэнта па пытаннях нацыянальнай бяспекі Віктар Лукашэнка разам з сям'ёй прыехаў ва Узду. Сюжэт пра гэта быў паказаны ў эфіры дзяржаўных тэлеканалаў.
Ён прыехаў разам з жонкай Ліліяй і чатырма дзецьмі. У сям'і гадуюць дзвюх дачок — Вікторыю і Валерыю, а таксама двух сыноў — Аляксандра і Яраслава. Меншаму, якога Віктар Лукашэнка трымаў на руках, паўтара года.
