На большай частцы тэрыторыі Беларусі днём 8 ліпеня чакаюцца навальніцы і шквалістае ўзмацненне ветру да 15-20 м/с.
Пра гэта БЕЛТА паведамілі ў Міністэрстве па надзвычайных сітуацыях са спасылкай на аператыўнае папярэджанне Гідрамета аб неспрыяльнай метэаралагічнай з'яве.
Удзень у многіх раёнах краіны максімальная тэмпература паветра дасягне 30—34, па поўдні месцамі 35 градусаў.
Днём на большай частцы Мінскай вобласці чакаюцца навальніцы, шквалісты вецер, месцамі моцныя залевы, град.
У Мінску магчыма навальніца і ўзмацненне ветру да 15-20 м/с. Месцамі па горадзе прагназуюцца моцныя залевыі, град. У дзённы час максімальная тэмпература паветра ў сталіцы дасягне 30 градусаў.
