Выйшаў «ARCHE» № 6 за 2015 год («Князі Радзівілы»).
У апошнія гады павялічылася зацікаўленасць гісторыяй роду Радзівілаў у Беларусі. У першую чаргу гэта выклікана папулярнасцю былых цэнтраў радзівілаўскіх уладанняў (Нясвіж, Мір, Любча і інш.) як аб’ектаў гістарычнай спадчыны. Дзякуючы гэтаму ў тым чаліку расце зацікаўленасць фундатарскай і культурнай дзейнасцю Радзівілаў. Гісторыя роду Радзівілаў звязана з гісторыяй шматлікіх населеных пунктаў сучаснай Беларусі (Нясвіж, Слуцк, Мір, Капыль, Карэлічы, Койданава, Беліца, Раманава, Жодзіна, Копысь, Клецк, Глуск, Чарнаўчыцы і інш.).
Гэты нумар закліканы садзейнічаць пашырэнню ведаў беларускага чытача пра славуты магнацкі род. Дзеля гэтага ў нумары сабраныя артыкулы вядомых гісторыкаў з Беларусі, Літвы і Польшчы, якія займаюцца даследваннем роду Радзівілаў.
ЗМЕСТ
Андрэй Мацук. Князі Радзівілы
Ніна Скеп’ян. Закладанне родавых традыцый на прыкладзе Мікалая Мікалаевіча Радзівіла
Марак Феранц. Каралева і яе брат: адносіны Барбары Радзівіл з Мікалаем Радзівілам Рудым
Пётр Лабэндзь. Крыштаф Радзівіл Пярун — першы сенатар Вялікага Княства Літоўскага
Томаш Кэмпа. Мікалай Крыштаф Радзівіл Сіротка і Берасцейская унія
Караль Жойдзь. «З дзвюх бедаў выбіраючы меншую, шведскай пратэкцыі перад маскоўскай тыраніяй перавагу аддаў… »: некалькі заўваг адносна пазіцыі Януша і Багуслава Радзівілаў у 1655 г.
Анджэй Адам Маеўскі. Барацьба Пацаў з Радзівіламі за дамінаванне ў Вялікім Княстве Літоўскім у 1666—1669 гг.
Кшыштаф Касажэцкі. Адступленне Крыштафа Радзівіла Перуна ў Інфлянтах у 1601 г. паводле яго ўласных сведчанняў.
Ліст Крыштафа Радзівіла Перуна да Льва Сапегі (Рыга, 3 верасня 1601 г.).
Пшэмыслаў Гаўран. На службе караля і Рэчы Паспалітай: удзел літоўскага крайчага Жыгімонта Караля Радзівіла ў Смаленскай вайне 1632—1634 гг.
Збігнеў Хундарт. Аддзелы Радзівілаў у каронным войску ў часы панавання Міхала Карыбута-Вішнявецкага і Яна ІІІ Сабескага (1669—1696 гг.)
Ліна Балайшыце. Лісты прыдворных мастакоў Гераніма Фларыяна Радзівіла: пра самаўсведамленне і статус мастака
Наталля Сліж. Уладанні і палацы Міхала Казіміра Радзівіла ў Гародні ў XVIІІ ст.
Славамір Аўгусевіч. Смерць і пахаванне намесніка Прусіі Багуслава Радзівіла
Караліна Стоек. Пахавальны цырыманіял пры нясвіжскім двары ў часы Міхала Казіміра Радзівіла Рыбанькі
Філіп Валянскі. Радзівілаўскія пахавальныя цырымоніі XVIII ст. на фоне пахавальных звычаяў Рэчы Паспалітай
***
Выданне можна замовіць, даслаўшы электронны ліст на адрас [email protected]
Цана выдання — 70.000 руб. без уліку дастаўкі, 90.000 руб. з улікам дастаўкі.
Замаўляючы выданне, у полі «Тэма» трэба пазначыць «6-2015», а ў лісце падаць свае дакладныя каардынаты: паштовы адрас, індэкс, прозвішча і ініцыялы, тэлефон для камунікацыі.
Прапанова дзейнічае толькі на тэрыторыі Рэспублікі Беларусь.
