president.gov.by
Кранаючы ўкраінскую тэматыку, кіраўнік дзяржавы выказаў меркаванне, што «нам не трэба перабольшваць сваю ролю ва ўрэгуляванні гэтага канфлікту». «Нашу пазіцыю можна вітаць, бо ўсюды і заўсёды Беларусь, кіраўніцтва Беларусі выступае за мір, — адзначыў кіраўнік Беларусі. — Мы не прымаем вайны, не прымаем ніякіх канфліктаў, будзь то ва Украіне, Сірыі, Лівіі, Іраку. Мы гэтага не прымаем, гэта наша пазіцыя».
«І тое, што адбылося ў Мінску, вы ведаеце, я б сказаў, што гэта павінна было адбыцца ў Мінску, бо ў свеце няма іншай дзяржавы, якая была б так прыхільна міру. Падмурак гэтага — тая перамога, якая адбылася 70 гадоў таму», — перакананы кіраўнік дзяржавы.
Кажучы пра мінскія дамоўленасці і мірныя сустрэчы ў Беларусі па ўкраінскай тэматыцы, Лукашэнка падкрэсліў: «Таму падзея, якая адбылася, яна была вельмі важнай — для Украіны перш за ўсё, для Расіі, для нашага кантынента, для гэтага рэгіёну.
Але яна дала штуршок, паслужыла прычынай, і нават не прычынай, а падставай (гэта як падарунак Захаду) для адмены супраць нас рознага роду санкцый. Ім патрэбен быў нейкі такі магутны штуршок, і яны, атрымаўшы яго, гэтым скарысталіся».
«Ну, што тут граху таіць, за гэта трэба ім падзякаваць, цяперашнім еўрапейскім палітыкам, Злучаным Штатам. За тое, што яны, скарыстаўшыся гэтым выпадкам, шанцам для нас і сябе адышлі ад гэтай канфрантацыі з Беларуссю», — выказаў меркаванне кіраўнік дзяржавы.
